FesTVal jaialdia hasiko da gaur, Gasteizen

TELEBISTA. Laugarren urtez, telebista kateen berrikuntzak aurkeztuko dituzte Gasteizko FesTVal jaialdian. Gaur hasiko da jaialdia, eta Inazio Aldekoa kultur etxean solasaldi bat egingo dute Oscar Terol eta Herman Zinekin (18:00). Hauxe izango da solasaldiaren izenburua: La televisión, ¿un canal para la convivencia en Euskadi?. Jaialdiko zuzendariak adierazi du urtero beste edizio bat egitea aztertzen ari direla, udaberriko estreinaldiei begira.