2010eko urriaren 15a
00:00
AEB, Frantzia. 2010. Zuz.: Luc Besson.100 min. Maltazard gizonen artean altxatu da, eta armada bat sortzea lortu du. Unibertsoa konkistatzeko helburua du. Arthur da kontra egin diezaiokeen bakarra, baina ez da bakarrik egongo. Seleniaren, Betamecheren eta Darkos Maltazarden semearen laguntza izango du. Baiona (CRG Centre), Angelu (Moncine), Donibane Lohizune ( Le Select).
Di Di Hollywood
+16. Espainia. 2010. Zuz.: Bigas Luna. Akt.: Elsa Pataky, Peter Coyote, Paul Sculfor, Flora Martinez, Giovanna Zacarias, Luis Hacha.102 min. Diana Diaz emakume gazteak amets bat du: aktore izan eta izar bilakatzea. Hori lortzeko, edozer egiteko prest dago. Miamira joango da, baina han ere gauzak ez zaizkio erraz suertatuko. Handik Los Angelesera joango da, eta izena aldatuko du eta Di Di bihurtu. Gasteiz (Abaco Boulevard, Florida, Yelmo Gorbeia), Bilbo (Golem Alhondiga, Zubiarte), Barakaldo (Max Ocio, Yelmo), Getxo (Lauren), Leioa (Artea), Portugalete (Ballonti), Donostia (Antiguo Berri, Bretxa), Irun (Txingudi), Usurbil (Urbil), Iruñea (Golem La Morea, Carlos III), Tutera (Ocine), Uharte (Itaroa).
Elle s'appelait Sarah
Frantzia. 2009. Zuz.: Gilles Paquet-Brenner. Akt.:Kristin Scott Thomas, Melusine Mayance, Niels Arestrup.111 min. Julia Jarmond kazetari estatubatuarra Vel d'Hiveko gertakaria ikertzen ari da. Ikerketen harira, Sarahrekin topo egingo du; 1942an 10 urte zituen hark. Artikulu baterako ikerketa soil bat zena kontu pertsonala bilakatuko da. Bizitza betiko astinduko dion sekretu baten jabe egingo da Julia. Baiona (CGR Centre), Angelu (Moncine), Donibane Lohizune (Le Select), Miarritze (Le Royal).
Illegal
Frantzia, Belgika, Luxenburgo. 2010. Zuz.: Olivier Masset-Depasse. Akt.:Anne Coesens, Esse Lawson, Alexandre Golntcharov. 95 min. Tania eta haren 14 urteko semea, Ivan, errusiarrak dira, eta Belgikan zortzi urte daramatzate legez kanpo bizitzen. Polizia saihesten bizi dira, baina horiek, azkenean, Tania atzemango dute. Edozer gauza egiteko prest egongo da semea berriz ikusteko.Baiona (L'Atalante)
La otra hija
+16. AEB, 2010. Zuz.: Luis Berdejo. Akt.:Kevin Costner, Ivana Baquero, Gattlin Griffith, Samantha Mathis. 108 min. John James baserri batera joango da bizitzera bi seme-alabekin. Alaba modu misteriotsuan hasiko da jokatzen.Gasteiz (Guridi), Bilbo (Zubiarte), Barakaldo (Max Ocio), Donostia (Bretxa), Uharte (Itaroa).
La red social /The Social Network
+7. AEB, 2010. Zuz.: David Fincher. Akt.: Jesse Eisenberg, Justin Timberlake, Andrew Garfield. 120 min. 2003an Mark Zukerberg Harvardeko ikasleak unibertsitateko sistema informatikoa legez kanpo kopiatuko du. Campuseko neska guztien datu basea sortuko du, eta erabiltzaileei neska politenen alde bozkatzeko eskatuko die. Arrakasta izugarria lortuko du datu baseak ikasleen artean, baina Hardvardeko segurtasuna arriskuan jartzea eta bizitza pribatuari errespeturik ez izatea leporatuko diote. Facebooken sortzaileetako bat da Mark; mundu guztian zehar zabaldu da eta denon ahotan dago orain sare soziala. Gasteiz (Abaco Boulevard, Guridi, Yelmo Gorbeia), Bilbo (Capitol, Golem Alhondiga, Zubiarte), Barakaldo (Max Ocio, Yelmo), Getxo (Lauren), Leioa (Artea), Portugalete (Ballonti), Santurtzi (Serantes), Donostia (Antiguo Berri, Bretxa, Principe), Errenteria (Niessen), Irun (Cinebox, Txingudi), Usurbil (Urbil), Baiona (CGR Centre), Angelu (Moncine), Iruñea (Golem Baiona, Golem La Morea, Carlos III), Tutera (Ocine), Uharte (Itaroa), Viana (Las Cañas).
La verdad de Soraya M.
+16. AEB, 2010. Zuz.: Cyrus Nowrasteh. Akt.: Shohreh Aghdashloo, Mozhan Marno, James Caviezel. 116 min. 1986. urtea, Iranen. Freidoune Sahebjam kazetari frantziarrari autoa matxuratuko zaio, eta herrixka batera iritsiko da. Han Soraya M. emakumeari adulterioa leporatu nahi diote. Bide batez, integrismo islamikoaren legeei jarraituz, harrika hiltzera kondenatu nahi dute. Gasteiz (Guridi), Bilbo (Multi), Donostia (Principe), Iruñea (Golem Yamaguchi).
La Vie au ranch
Frantzia, 2009. Zuz.:Sophie Letourneur. Akt.:Sarah-Jane Sauvegrain, Eulalie Juster, Mahault Mollaret.92 min. 20 urte ditu Pamek. Lagunekin igarotzen du denbora, Manonekin partekatzen duen baserrian. Hitz egin, erre, edan, dantzatu... adin horretako gauzak dira, baina taldetik ihes egiteko eta bere bidea egiten hasteko premia sentitzen du. Baiona (L'Atalante).
Le Rêves dansants, sur le pas de Pina Bausch
+18. Alemania, 2010. Zuz.: Anne Linsel, Rainer Hoffmann. Dokumentala. 89 min. Pina Bauschi buruzko dokumentala. 2008an, hil baino hilabete batzuk lehenago, Pina Bauschek Kontakthof ikuskizuna berriz ere martxan jartzea erabakiko du. Orduan, baina, ohiko dantzarien ordez, inoiz dantza egin ez duten nerabeak erabiliko ditu. Miarritze (Le Royal).
Louise Michel
+18. Frantzia, 2008. Zuz.: Gustave Kervern, Benoit Delepine. Akt.: Yolande Moreau, Bouli Lanners, Benoit Poelvoorde, Albert Dupontel, Mathieu Kassovitz. 90 min. Frantziako Picardie eskualdean, enpresaburu batek gerriko fabrika itxi eta hustu egingo du, enpresa osoa beste herrialde batera eramateko. Kalean gelditu diren langileek dirua jaso eta soldatapeko hiltzaile bat kontratatuko dute enpresaburua hiltzeko. Gasteiz (Florida), Bilbo (Multi),Donostia (Trueba (JBA)), Iruñea (Golem Yamaguchi).
Pan negro
+12. Espainia, 2010. Zuz.: Agusti Villaronga. Akt.: Francesc Colomer, Marina Comas, Nora Navas, Roger Casamajor, Laia Marull, Eduard Fernandez, Sergi Lopez. 108 min. Katalunia, gerra osteko urteetan. Andreu mutikoak egun batean gizon baten eta haren semearen gorpuak aurkituko ditu basoan. Agintariek mutikoaren aitari leporatu nahi dizkiote hilketak. Mutikoak benetako hiltzaileak zein diren ikertuko du. Gasteiz (Florida),Bilbo (Multi),Donostia (Principe), Iruñea (Golem Yamaguchi).
