Formatu digital berri bat sortu du 'El Periódico'-k

INTERNET.El Periódico de Catalunya egunkariak e-Periódico izeneko egunkariaren bertsio digital berria sortu du, eta aste honetatik proba fasean dago. Gaztelaniazko eta katalanezko bertsioak egin dituzte, albisteak, erreportajeak eta elkarrizketak «modu erakargarriago batean» aurkezteko helburuarekin. Egunkariaren atal berriak bere azal propioa du, eta albiste batetik bestera jauzi egiteko aukera ematen du teklatuko kurtsorearekin. Halaber, El Periódico de Catalunya iPaderako bertsio bat ari da prestatzen.