Gagarin gogoratu dute Iruñeko planetarioan

Gizakia lehen aldiz espaziora iritsi zela 50 urte bete dira aste honetan, eta urtemuga hori ospatu zuten atzo Iruñeko planetarioan. Juri Gagarinen hegaldi historikoa gogoratzeko, zientzialari txikien tailerrean aritu ziren bost eta 12 urte bitarteko haurrak goizetik. Ostean, astronautaren hegaldiaren nondik norakoak azaldu zituzten, Gagarinek ikusi zituen izarrak erakutsiz. Bukatzeko, urezko suzirien jaurtitzea egin zuten Planetario ondoko zelaigunean. Ekitaldi hori dibertigarria izan zen, zinez.