GASTEIZKO ANDRE MARI ZURIAREN JAIAK. Gasteizko Andre Mari Zuriaren jaiak

GAUR

07:00. Andre Mari Zuriaren plazan, egunsentiko prozesioa eta Arrosarioa.

09:00. San Migel elizako eskaileretan, lore eskaintza Andre Mari Zuriari.

09:00. Kalejira Udal Musika Banda, Arabako Foru Aldundiaren Txistulari Banda, Gesaltza Fanfarrea, Iradier txistulariak, Txirinbil txistulariak eta Iruñeko txistulariekin.

10:30. Foru plazan, pilota partidak.

11:30. Prado parkean, haur eta gazteentzako jolasak.

11:30. Loma Jeneralaren plazan, gastronomia eta eskulangintza azoka.

12:00. Kalejira trikitilari, erraldoi, buruhandi, zaldi eta txoten konpartsarekin.

12:30. Luis Aranburu udal musika-eskolako aretoan, Secreto dentro de un secreto poesia eta piano emanaldia.

13:15. Espainia plazan, Ikurrinaren omenaldia eta Algara taldearen dantza emanaldia.

13:30. Aihotz plazan bertso saioa Andoni Egaña, Unai Iturriaga, Oihana Perea eta Asier Otamendirekin. Gai jartzailea: Lierni Altuna.

17:00. Prado parkean haurrentzako eta gazteentzako gunea.

18:00. Peñafloridako Kondearen plazan, Gargantua.

18:00. Foru plazako pilotalekuan, abarka jaurtiketa.

18:00. Zezen-plazan, egitarauko lehen zezenketa: El Juli, El Cid eta Miguel Angel Perera.

18:30. Erdialdean eta alde zaharrean, Gesaltza fanfarrea. Kalea girotzeko ikuskizun ibiltaria eta haurrentzako giroa.

19:00. Florida parkean, dantzaldia Ciclon taldearekin.

19:30. Aihotz plazan, Euskal Herriko Txistularien kontzertua.

23:00. Su festa, Pablo pirotekniaren eskutik.

24:00. Foru plazan, Gu gira kantaldia

24:00. Aihotz plazan, Kerobia taldearen kontzertua.

02:00. Txosnetan, Dr. Ring Ding-en emanaldia.

Eguraldia

GAUR

Giro eguzkitsua eta beroa.

Max.: 32. Min.: 14.

BIHAR

Giro nahasia eta hodeitsua.

Max.: 28. Min.: 15.

Larrialdietarako zerbitzu berezia martxan da

Larrialdietarako zerbitzu berezia martxan jarri zuten atzo, Zeledonen jaitsierarekin. Andre Mari Zuriaren plazaren inguruan bi gune jarri dituzte: Mateo Morazan eta udaletxe aurrean. Halaber, Txagorritxu eta Santiagoko ospitaleetako arretarako guneak 09:00etatik 17:00ak arte zabalik izango dira.

Erlijio kutsuko ekimenei boikota egiteko deia

Jaietan Gasteizen antolatuko diren erlijio kutsuko ekitaldietara ez joateko deia egin die EHGAMek Euskal Herriko gay eta lesbianen askapenerako mugimenduak erakundeetako ordezkariei. Eliza katolikoak «sexu askatasunari erasotzeko apologia» egiten duelako egin du eskari hori EHGAM elkarteak.

Suhiltzaileek 3.500 litro ur bota dituzte plazan

Andre Mari Zuriko plazan bildutako milaka lagunen beroa apaldu zuten atzo Gasteizko suhiltzaileek, 3.500 litro ur bota baitzizkioten mauka batekin jendetzari. Suhiltzaileek plaza erdian paratu zuten euren kamioia, eta handik busti zituzten inguruan izerditan zeuden milaka eta milaka lagun.

Tranbiak ordutegi berezia izango du jaietan

Gasteizko tranbiak ordutegi berezia izango du egunotan Gasteizko jaiak direla eta. Egun osoan ohiko orduetan ibiliko dira erdiguneko eta Abetxukoko lineak. Gauez, berriz,zerbitzu berezia izango du tranbiak: ordu erdiro launa bider ibiliko da linea bakoitza.