Sidney Lumet zinemagilearen Before the Devil Knows You're Dead lan aparta zinema aretoetan dago egunotan, eta zinemazale gehienak asetu ditu. Iraganean, mota askotako proiektuak gidatzeko aukera izan zuen, Hollywoodeko izar gehientsuenak zuzenduz. Agatha Christieren eleberri ezagunean oinarritutako lan honetan, esate baterako, izar mordoa bildu zituen; Ingrid Bergmanek Oscarra irabazi zuen, nahiz gutxi azaldu. Ez daude guztiak espero bezain ondo, eta pertsonaia batzuk ez daude ondoegi. Hercules Poirot detektibearen rola Albert Finneyk jokatzen du-Peter Ustinovek jokatu zuen pertsonaia beste bertsio batean, sinesgarriago-.
Dena den, oso gustura ikusten da filma. Baditu hutsuneak, eta hala-hola luzatzen dira eszenak. Agata Christieren eleberriak maite dituztenek tarte atsegina pasatuko dute, ordea.
Poirot detektibea Orien Express trenean doala, Samuel Edward Ratchett (Richard Widmark) aberats estatubatuarra hilda azalduko da. Poirotek Bianchi laguna, Constantine doktorea eta Pierre Michel gidaria izango ditu alboan hilketa ikertzeko. Hildakoak Armstrong familiaren tragediarekin zerikusia izan zuela deskubrituko dute...
############
GAURKO FILMAK. Izar asko trenean susmagarri
Iruzkinak
Ez dago iruzkinik
Ordenatu
