Google Business Photos: argazki zerbitzua komertzioetarako

Google Business Photos da Googlek martxan jarri duen zerbitzu berria; komertzioetara bideratuta dago. Zerbitzua doakoa da, eta horren bitartez, edozein komertzio edo negozioren jabeakGoogleri eskatu ahal dio bere negoziora joateko eta komertzioaren argazki-erreportaje profesionala egiteko. Argazki hauek, ondoren, Google Places-en eta Google Maps-en sartuko ditu Googlek. Ziur asko, etorkizunean Google Street View zerbitzuan ere txertatuko ditu.

Aukera hau oso onuragarria izan daiteke kaleko komertzioetarako: batetik, doako zerbitzu profesional bat lortzen delako negozioaren kalitatezko argazkiekin. Bestetik, Googleren gune ezberdinetan ikusgai egongo delako.

Oraingoz Australian, Zeelanda Berrian, Japonian eta AEBko hiri batzuetan ari dira Googleko argazkilariak. Beraz, Europan zain egon beharko da. Hala ere, laster espero da Europara ere heltzea, beraz, hadi egon beharko da.

Webgune honetan proiektuari buruzko dokumentazioa ikusi eta hirien jarraipena egin daiteke:

http://maps.google.com/help/maps/businessphotos/