2.000 euro lortzeko helburua jarri zuen Baionako gazteak lehengo astean, baina jada, 5.000 eurotik gora jaso ditu, Leetchi web plataforman. Negua ate joka denean, etxegabeen egoerari buruzko erreportajea argitaratuko du bihar BERRIAk, Bizigiro gehigarrian.
Gainera, igandean egingo den Bizilagunak ekimenaren berri ere emango du, Orioko familia baten eta Nikaraguako familia baten kontakizunarekin. Iruñea eta Garazi artean egiten ari diren bideari buruzko informazioa ere argitaratuko du, Banka eta Eugiko alkateek azalduta.
Gastronomia atalean, berriz, Iruñeko Beatriz gozotegiari buruzko erreportajea argitaratuko du, garrotetxoengatik da ezaguna; eta datorren astean, Donostian egingo den International Cheese Festivalaren zehaztasunak ere jasoko ditu.
Zinema atalean, Denis Villeneuveren ‘Arrival’ filmari buruz hitz egingo du Gontzal Agotek.
Agurainen (Araba) egiten ari diren 75 ordu euskaraz ekimenaren berri ere jasoko du gehigarriak.
