GURDIAK ETA ANIMALIAK, KALEETAN

Duela ehun urteko egunerokotasunean murgildu ziren atzo Otsagabiako biztanleak. Herritarrek prestatutako Orhipean festa ospatu zuten bederatzigarren aldiz, eta garaiko bizitza ezagutzeko aukera eskaini zuten: jantziak, ogibideak, ohiturak... Kaleak ere, lastoz estalita zeuden, eta gurdiak, astoak eta zaldiak ere ikus zitezkeen kaleetan barrena; baita artalde handiak ere. Goizean, hiru artzain Otsagabiatik pasatu ziren, artaldeak hartuta, Bardeetara bidean.