HAURRENTZAKO XAKEA, UDALEKUETAN

Mota askotako udalekuak antolatzen dira udan. Burlatan (Nafarroa) xakearen inguruan bildu dira gaztetxoak, xake udalekuetan. Partidetan suertatzen diren arazoei irtenbidea nola eman, taktika, jokoaren alderdi psikologikoa eta beste hainbat arlo landuko dituzte. Larunbatean, gainera, jinkana egingo dute, eta igandean, berriz, lehiaketa. Gaian adituak dira begiraleak. Mikel Huerga Espainiako gazteen txapelduna tartean dago, esaterako.