Liberazioaren ondoko lehen urtea da Kuban, halaxe izendatuko ere dituzte harrezkero urte guztiak, Iraultzaz geroko hainbatgarrena beti. 1959ko urtarrilean, Fulgencio Batista diktadoreak uhartea utzi duenetik, Sierrako bizardunak heroi ditu herriak. Haietakoa da Lukas Iruretagoiena, Deban sortu frantziskotarra. Armadaren uniformea du soinean, baina su-iskiluak gabe, gurutzea eta amabirjina ditu arma.