Hil bukaeran, munduak 7.000 milioi biztanle

Aurtengo urriaren 31n munduan 7.000 milioi biztanle egongo dira. Hori da NBEren demografoek hautatu duten eguna kopurua ofizial egiteko. «Erronka, abagunea eta ekinbiderako deia» da 7.000 milioi pertsonako populaziora iristea, NBEko Populazioaren Funtseko zuzendari Babatunde Osotimehinen ustez. 2050erako 9.300 milioi pertsonako populazioa espero dute, eta mende bukaerarako 10.000 milioi ingurukoa.