HONDARTZAKO BAINUAZ GOZATZEN

Mutrikuk (Gipuzkoa) uraz gozatzeko baliabide berriak estreinatu berri ditu. Ondar Gain hodartza eraberrituan, eguzkia hartzeaz gain, igerileku natural batean bainatzeko aukera izango da. Zumaiako hondartzatik ekarri dute harea, aurreko hondartzan zegoena baino finagoa. Hondartzaren ondoan aire librean dagoen igerileku bat eraiki dute, mareen erritmoan bete eta hustuko dena. Halaber, hondartza eta igerileku ondotik igarotzen den pasealeku bat eraiki dute.