Iaz baino bisitari gehiago izan dira uztailean

BILBO. Bilboko turismo bulegoetatik 35.762 bisitari pasatu dira uztailean, iazko uztailean baino %4,7 gehiago. Bilboko Udalak jakinarazi duenez, gehienak nazioarteko turistak izan dira. Frantziakoak gehienak, Erresuma Batukoak gero, Alemaniakoak eta Herbehereetakoak, besteak beste. Espainiatik ere jende asko etorri dela jakinarazi dute, Madrildik eta Andaluziatik, batez ere.