IKASTURTE AMAIERA, PINTXO ARTEAN

Ikasturteari amaiera emateko, Eusko Label produktuekin egindako pintxo lehiaketa egin dute Basque Culinary Center-en. Bertako ikasleekin osatutako hamar taldek hartu dute parte; bakoitzak bost pintxo aurkeztu ditu: patata tortilla, pintxo gozo bat eta beste hiru pintxo, aukeran. Hegaluzea Hiru Ehunduratan izenekoak irabazi du pintxo onenaren saria. Beste bi sari ere izan dira: tortilla eta mahai onenei. Irakasleek eta produktuen ekoizleek osatu dute epaimahaia.