Irudia

Exoplanetak bakarrik ez, Lurretik gertu dauden planetak ere ikergai dira. Izan ere, Marteko argazki gehiago iritsi dira azken egunetan Hirise erresoluzio handiko kamera espazialari esker. NASAren Mars Reconaissance Orbiter espaziontzian dago Hirise. Argazkietan, Marten askotariko paisaiak daudela ikus daiteke; esaterako, sumendi itzalduen kraterrak (argazkian). Baina ez dira dena berri onak espazioko misioei dagokienez: Venusera bidalitako Akatsuki sateliteak huts egin duela jakinarazi zuen atzo Japoniako JAXA agentziak. Antza haren orbitatik aurrera pasatu da abiadura ez duelako behar bezala moteldu. Duela zazpi hilabete atera zen Lurretik satelite hori.