Italiako Toskanako festa islatuko dute, larunbatean

IRUÑEA. Italiako Toskana eskualdeko ohiko festa egingo dute larunbatean Iruñeko Ziudadelan, musika eta antzerkiz lagunduta. Musika barrokoa, abesti napolitarra, antzerki klasikoa, eta beste zenbait ikuskizun eskainiko dituzte. Prezioa, aurrez, hogei eurokoa da, eta egunean, hogeita bost eurokoa. Ardo kopa eta xanpain kopa prezioan sartzen dira. Zuriz edo jantzi argiekin joatea gomendatzen dute.