Itsasoaren Festa ospatuko dute asteburuan

HENDAIA. Itsasoaren Festa hasiko dute bihar goizean Hendaian. Festa Batzordeak antolatu du ekimena, eta itsasoko bizitzarekin zerikusia duten ekitaldiak eta ikastaroak eskainiko dituzte asteburu osoan. Marmitako bazkaria, itsaspeko argazkien erakusketa, ontzi ibilaldiak eta itsasoko produktuen azoka antolatu dituzte, besteak beste. Musika eta dantza taldeak giroa alaitzeaz arduratuko dira.