Izan Media tailerrak Hala Bediren eskutik

Gasteizko Hala Bedi irratiko kideek lizentzietarako bi eskaera egin zituzten, horietako bat euskarazko erreserbetan; izan ere, euskara hutsezko irrati bat sortzeko lanean ari dira. Bide horretan, irrati tailer batzuk antolatu dituzte datozen egunetarako. Hitzaldi batekin hasiko dituzte Izan Media izeneko tailerrak: gaur, 12:00etan, komunikazioari buruzko mahai inguru bat izango da Gasteizko Letren Fakultatean. Ostiralean, erredakzio tailerra egingo dute Saregunean, 17:00etatik 20:00etara. Ekainaren 7an eta 8an izango dira tailerrak, Hala Bediren egoitzan: lehen egunean ahozkotasuna eta lokuzioa landuko dituzte, eta bigarrenean, edizioa. Helbide honetan eman daiteke izena: [email protected].