IZOZTEAK, OSATZEN

Alex Txikon Zaragozako MAZ ospitalean (Espainia)dago oraindik, behatzetako izozteak osatzen. Berriki Gasherbrum I mendira egindako espediziotik, bigarren eta hirugarren graduko izozteekin itzuli zen Txikon, eta horiek osatzeko denbora aurreikusi baino gehiago luzatzen ari da. Kiko Arregi medikuak jakinarazi duenez, eskuineko oina erabat errekuperatuko du Txikonek, baina baliteke ezkerreko behatz potoloaren zati bat galtzea. Astelehena bitartean, gutxienez, Zaragozan egon beharko du mendizaleak.