Jolasak eta kantak

Euskal Herriko ahozko ondarearen transmisioan lanean dabil Itsaso Arrieta. Kanta eta jolas tradizionalen inguruko tailerra emango du gaur, Bilbon, helduentzat. Hura arduratuko da ikastaroa emateaz. «Jolasa, dantza eta musika oinarri-oinarrizkoak dira haurraren garapen motorrean, emozionalean eta kognitiboan, kultura transmititzeko duten garrantziaz gain», esan du Arrietak. Aiko dantza taldeak antolatu du ikastaroa.

'Kulunka; haur kantu jokoen tailerra'

Gaur, 12:30ean. Bizkaia aretoan, Bilbon. Izena emateko: 634-42 35 39.