Kamerungo dantzak astelehenean Ziudadelan

IRUÑEA. Munduko dantzen jardunaldien barruan, Parisko Encyclopedie d'Assiko taldeak emanaldia eskainiko du astelehenean. Frantziako dantzak eskaini ordez, Kamerun hegoaldekoak eskaintzen ditu. Musikak garrantzi handia hartzen du taldean. Afrikako doinuak jotzen dituzte, eta horretarako, instrumentu tradizionalez gain, balafoia, djembea edo linga afrikarra erabiltzen dituzte ikuskizunetan.