KOMUNIKAZIOA. Langileen %40 kaleratu ditu 'The Washington Times' egunkariak

AEBetako The Washington Times egunkariak 370 langile kaleratu ditu, lan taldearen %40. Horrez gain, egunkari kontserbadoreak tokiko informazioaren saila eta kiroletakoa itxi ditu.

Jonathan Slevin egunkariko zuzendari eta presidenteak iragarri duenez, aste honetatik aurrera egunkaria soilik astelehenetik ostiralera argitaratuko dute. Jomugan izango dituen gaiak politika, enpresa eta negozioak eta «ikerketa kazetaritza» izango dira. Kirol eta tokiko sailak ixteaz gain, iritzia eta eztabaiden tartea ez dute mantenduko. Gainera, TheConservatives.com webgunea itxiko dute. Egunkariak orain arte 83.500 ale saltzen zituen.