Larunbateko euskal ezkontza jaietako muina

MENDATA. Ostiralean hasiko dira San Migel jaiak Mendatan (Bizkaia). Urtero bezala, ekitaldi nagusia euskal ezkontza izango da. Larunbat honetan egingo dute, Euskal Jaiaren egunaren barruan. Herri osoak parte hartuko du. 11:00etan hasiko da, Mendauriko bolatokian. Ezkontzaz gain, bazkaria, herri kirolak eta Joseba eta Andoni trikitilarien erromeria izango dira.