Liverpooleko rocka, Gasteizen

Kraut-musikan oinarritzen den taldea da Mugstar. Baina, zer motatako estiloa da kraut-a? Musika esperimentala, elektronikoa edota post-punkaren garapenaren ondorioa da eta, adibidez, Pink Floyd, Neu! edota Sonic Youth bezalako taldeek asko eragin izan dute Liverpooleko taldearen estiloa finkatzerako garaian.

Urrian zehar, Frantzian eta Belgikan antolatu dituzte kontzertuak. Kontzertu horiez gain, Euskal Herrira bisita bat egingo dute gaur, eta euskaldunontzat nahiko ezezaguna den musika estiloa ezagutzeko aukera emango dute. Kontzertua Ibu Hots aretoan izango da, iluntzeko 20:30ean.

Single zerrenda luzea du Liverpooleko taldeak, eta besteak beste,Mudhoney talde amerikarrarekin split bat grabatu zuen. Horretaz gain, John Peel musikariaren omenez kaleratu zen Peel Session diskan parte hartu zuten taldeen artean dago Mugstar. Mogwai, Fucked Up, Acid Mothers Temple edo Oneida bezalako taldeekin ere jo izan dute.

Taldea 2003. urtean sortu zen eta gaur egun, Important Records disketxe ospetsuarekin du hitzarmena. Iaz, ...Sun, Broken... eta Lime izeneko diskak kaleratu zituen, eta publikoan izandako harrera onari esker ATP eta Supersonic jaialdietan parte hartzea lortu zuten.

MUSIKA

Noiz. Gaur, 20:30ean.

Non. Ibu Hots aretoan (Gasteiz).