Marokok berri «faltsua» ematea egotzi dio TVEri

TELEBISTA. Marokoko gobernuak Mendebaldeko Saharan zituen tropak Casablancara eta Rabatera eraman dituela hedatu du TVEk. Tropen kokalekuaren aldaketa bi hiri horietan protestak iragarri dituztelako izan dela adierazi du hedabideak. Marokoko gobernuak berri «faltsua» dela dio, eta azalpenak eskatu dizkio Espainiak Marokon duen enbaxadoreari. Oinarririk gabeko informazioa ematea egozten die Marokok hedabide publiko batzuei; Canal 24 Horas kateari, bereziki.