MATEMATIKAREN EGOITZA BERRIA

Basque Center for Applied Mathematics zentroaren egoitza berria inauguratu zuten atzo Bilbon. 50 bat ikerlari matematikari ariko dira instalazio berrietan lanean. Enpresa arloarekin eta ikerkuntza eta garapena atalarekin loturik, matematika aplikatuan ariko dira bertan ikerlariak. Enrique Zuazua BCAMeko zuzendariaren ustez, «Bilbo leku egokia da matematikaren sakontasunean sartzeko eta beste ataletako ikerlariekin elkarlanean jarduteko».