Mendia. Buzoia

Desnivel 2011ko abendua. 305. zbk

Denis Urubko eta Gena Durov kazakhstandarrek Pobeda mendian ireki duten bide berriarekin hasi du Desnivel aldizkariak 2011. urteari dagokion azken zenbakia. Tirolen alpinismoari eta mendiari buruz egindako nazioarteko bilkuraren berri ere badakar; Messner, Huber anaiak, Ondra, Potter, Sharma, Bereziartu eta Otegi, Pasaban... hamar egunean bizitakoak eta entzundakoak bildu dituzte. Pirinioetako Marbore mendiguneak eta Almeriako eskalada eskolek ere badute tartea.

• Mendia neguan. Gasteizko Landher Montañak neguan mendira joateko hastapen ikastaroa antolatu du, urtarrilaren 19, 21 eta 22rako. Pioletarekin eta kranpoiekin ibiltzen eta elur eta izotz eremuak sokarekin gainditzen irakatsiko dute. Saio praktikoa Pirinioetan izango da. Argibideak: 945-28 68 00 edo 635-70 22 76.

•Mendiko eskia. Gipuzkoako Goi Mendi Eskolak argitaratu du 2012rako prestatu dituen ikastaroen egutegia. Mendiko eskiari buruz da aurrenekoa, urtarrilaren 28 eta 29an. Argibideak: www.gmf-fgm.org.

•Almeria eta Cazorla. Josu Iztuetak Almeria eta Cazorla ezagutzeko irteera prestatu du urtarrilaren 1tik 8ra. Mendia eta itsasoa, natura eta herri txikiak, denetariko lekuak bisitatzeko modua egingo du, zortzi laguneko taldean. Ohi bezala, Iztuetak bidaiatzeko duen ukitu berezia izango da bidaiaren beste osagaietako bat. Argibideetarako eta izena emateko: [email protected] eta 669-02 22 15.

•Antxon Bandres oroimenezkoa. Euskal Mendizale Federazioak antolatutako mendi eskiko txapelketak Antxon Bandres I.Oroimenezkoa izena hartu du, irailean hil zen EMFko presidente ohiaren omenez. Urtarrilaren 8an jokatuko da proba, Ereta-San Martingo Harria. Erlojupekoa izango da, eta parte hartu nahi dutenek www.emf-fvm.com webgunean dituzte argibideak.

• Akonkaguarako espedizioa. Mendiak eta Herriak gidari elkarteak Akonkagua (6.959) mendirako espedizioa antolatu du 2012ko urtarrilaren 7tik 30era. Zortzi eguneko egokitzapena egingo dute Cordon de Platan, eta sei egun baliatuko dituzte tontorrerako saioan. Argibideak: 948-51 32 33.

Abenduak 24-25.

Lemoa (Ganzabal) Anboto mendira, 25ean. Markina-Xemein (Artibai) Finalista eguna, Akarregin, 25ean.



Abenduak 31.

Arrigorriaga (Padura) Xanpain eguna, 31n. Elorrio (Erdella) Gorbeara, urte bukaerako irteera, 31n. Gordexola (Beraskola) Mazapan eguna, Garobel mendikatean, 31n. Ondarroa (Aurrera) Kalamendira, urte amaierako irteera, 31n.

Oharra: Mendi talde, federazio eta elkarte guztiei eskertuko genizueke 2012ko ekintzen egutegia ahalik eta azkarrena bidaltzea, eta urte osoan antolatutako ibilaldi, ikastaro, proiekzio eta abarren berri ematea, guk agenda honetan agertzeko. Helbidea: BERRIA (Mendia) / Martin Ugalde Kultur Parkea / 20140 - Andoain. Posta elektronikoa: [email protected].