MENDIA. Munduko Kopa irabaztea oso zaila du Usobiagak

KIROL ESKALADA. Munduko Kopako azkenaurreko proba izan zen asteburuan, Huaijin (Txina). Jakob Schubert austriarrak irabazi zuen, eta Patxi Usobiaga 9. sailkatu zen, finaletik kanpo. Hirugarrena da eibartarra sailkapenean, eta kopa irabazteko ez du ia aukerarik. Ramon Julianen eta Schuberten lehiatik irtengo da irabazlea. Emakumeetan, Jain Kim korearrak irabazi du titulua. Kopa datorren astean bukatuko da, Kranjen (Eslovenia).