Hamairu herrialdetako ahotsak Nafarroan zehar dabiltza musikaren bitartez euren kulturak erakutsi nahian. Azaroaren 4an emango zaio amaiera zikloari.
Txekia, Letonia, Herbehereak, Errusia, Alemania, Erresuma Batua, AEBak, Filipinak, Finlandia, Ukraina, Italia, Hungaria eta Suedia herrialdetako abesbatza onenatarikoak bilduko dira aurtengo topaketan. Kontzertu gehienak bi zatitan banatuko dira: bata, serioa, eta, bestea, jostagarria, talde bakoitzak bere herrialdeko janzkera eta musika aurkeztuko baititu.
Nafarroan zehar egingo duten bidaian hemeretzi herritan izango dira: Lizarra, Erriberri, Tafalla, Antsoain, Artika, Atarrabia, Burlata, Cascante, Agoitz, Tutera, Viana, Zizur, Asterain, Uharte, Lerin, Etxarri Aranatz, Barañain eta Iruñea.
Aukera zabal honekin, edozeinek gozatu ahal izango du abesbatzen doinuaz, eta diru aitzakirik gabe, kontzertu guztiak doan izango baitira.
Aste honetan, The Gentleman Singers Txekiako talde ezaguna da aukeretako bat. 2008an, Tolosako lehiaketan (Gipuzkoa) bigarren saria lortu zuten.
XVII. NAZIOARTEKO ZIKLO KORALA
Noiz. Gaur, 20:00etan,Tafallako San Pedro elizan, The Gentlemans Singers taldea.
Eta gaur, 20:00etan, Erriberriko Klaristen elizan, Cesis Girls Choir taldea.
Mundu osoko abesbatzak
Abian da Nafarroko XVII. Nazioarteko Ziklo Korala. Hemeretzi herritan hainbat musika saio izango dira doan
Iruzkinak
Ez dago iruzkinik
Ordenatu
