Ongi baino hobeto atera zitzaien Disneyri eta Pixarri elkarrekin egindako Monsters, Inc. ekoizpena. Neska-mutikoek asko gozatu zuten filmarekin, eta, horrez gain, gurasoek ederki pasatzeko aukera izan zuten. Izan ere, familia osoan ikusteko oso lan aproposa da gaur Cuatrok emango duena.
Irudimenez betetako marrazkiak dira Monsters, Inc. filmekoak, dibertigarriak eta teknikoki gaindiezinak. Hori gutxi balitz, istorioan sartzen dituzten umore zertzeladak sekulakoak dira.
Beldurraz arduratzen den enpresa handi batean garatzen da istorioa, munduko handiena alor horretan. James P. Sullivan ikaratzailerik onenetakoa da. Baina gaur egun haurrak beldurtzea lan nekeza da. Egun batean, neska bat konturatu gabe enpresan sartuko da, eta kaosa eragingo du. Handik aurrera, hainbat egoera dibertigarri garatuko dira istorioan.
Pixarrek azkeneko hamarkadan egin dituen animaziozko lan onenen parekoa da, eta denborarekin klasiko batean bilakatuko da. Musikarik onenaren oscarra jaso zuen.
Urtzi Urkizu
############
MONSTRUOS SA
Cuatro, 21:30. Zuzendariak: Pete Docter, Lee Unkrich, David Silverman. Marrazki bizidunak. 88 min. AEB, 2001.
############
Munstro dibertigarriekin osatutako lan bikaina
Iruzkinak
Ez dago iruzkinik
Ordenatu
