Kultur dinamizatzailearen zain, zeure eskualdeko musika mugimendua bizkortzeko? Oarsoaldeko (Gipuzkoa) musikariek ardura euren eskuetan hartu dute. Elkartea sortu, inguruan dauden taldeen errolda egin eta horientzako zirkuitua eratzeko lehen urratsak egin dituzte. Gaur aurkeztuko dute ekimena, zortzi kontzerturen bidez.
OarsoMusikak «lan talde» gisa definitzen du bere burua. Inguruko musika eta, oro har, kultur arloan azken urteotan sumatu duten «hutsak» bultzatu ditu mugitzera. Sortzaileek elkar ezagutaraztea eta haien lana dinamizatzea dira elkartearen helburuak. Oraingoz, 18 musika taldek eman dute izena, eta taldea hasi da beste elkarte batzuekin harremanetan jartzen. Hilean behin elkartzen dira lanean aurrera egiteko.
Bi ekimen abiatu dituzte dagoeneko: Oarsoaldeko taldeen errolda osatzen hasi dira, eta eskualdeko areto, taberna eta bestelako agertokiak taldeokin harreman jartzen ari dira, zirkuitoa osatzeko.
Aurkezpen gisa, jaialdia egingo dute gaur, Errenteriako hainbat tokitan. Aximila, Kaso Mai, Juan Mari Beltran, Incognita, Kakahuete, Imanol Carballo, Anonimos, Arashi, Toil, Korumba eta Nonguayaz musikariak arituko dira, 18:00etatik aurrera.
OARSOINUA JAIALDIA
Noiz. Gaur, 18:00etatik aurrera.
Non. Errenteriako (Gipuzkoa) hainbat aretotan.
Musika eskualdean hasten da
Oarsoaldeko musikariak elkartu egin dira, eta ekimena aurkezteko jaialdia egingo dute gaur
Iruzkinak
Ez dago iruzkinik
Ordenatu
