MyDefragPowerGUI sistema garbitzea eta desfragmentatzea ahalbidetzen duen aplikazio eramangarri bat da. Hau da, USB memoria batean gorde ahal da eta edozein ordenagailutatik gauza daiteke. Aplikazioak hainbat aukera ditu, baina soilik MS Windows sistemetan ibiltzen da. Erabiltzeko zein partizio edo unitate desfragmentatu nahi diren aukeratu daiteke, eta, orduan, hasteko botoiari sakatu behar zaio.
Hainbat aukera eskaini arren, hizkuntza garbi batean ematen ditu aukera zein azalpenak, etaerabiltzaile guztiek erabil dezaten pentsatuta dago, eta ez soilik ezagutza teknikoak dituzten erabiltzaileek.
Izan ere, aplikazioak berak aholkuak ematen dizkio erabiltzaileari. Besteak beste, eragiketak programatzeko aukera eskaintzen du; horrela, egunka, asteka edo hilabeteka egin ahal da aukeratutako eragiketa.
Flash memoriekin ere ondo lan egiten du MyDefragPowerGUI-k. Hemendik deskarga daiteke aplikazioa doan, baina ez da software libre bat: http://www.wieldraaijer.nl/. Helbide horretan ere eskura daiteke proiektu horri buruzko informazioa eta enpresa horrek egindako beste lanei buruzkoa.
Zibergela
MyDefragPowerGUI, desfragmentatzaile eramangarria
Iruzkinak
Ez dago iruzkinik
Ordenatu
