'Navarra directo' 20:35ean izango da aurrerantzean

TELEBISTA. Eguerdi partetik gauera pasatu dute ETB2ko Navarra directo saioa. Datorren astelehenetik aurrera 20:35ean hasiko da Iruñean ETBrentzat egiten duten programa bakarra. Edukietan ere izango dira aldaketak. 20 langileetatik 12 kaleratu egin dituzte, eta, ondorioz, programa moldatu egin behar izan dute. Hemendik aurrera gaur-gaurko gaiekin lotutako elkarrizketa bat egongo da. Beste atal berri batzuk ere sortu dituzte.