OMENALDI BEROA GERMAN RODRIGUEZI

Jendetzak egin zuen bat igandean German Rodriguezen omenezko urteroko ekitaldian. 1978. urtean erail zuen Poliziak gaztea. Tiroz jo zuten toki berean jaso zuen igandean omenaldia, Orreaga etorbideko Rodriguezen omenezko oroigarriaren aurrean, alegia, 78ko Sanferminak Gogoan plataformaren eskutik. Esther Zabalegik jota bat eskaini zion urte hartan eraildako gazteari, eta urtero legez, Fermin Balentzia abeslariak Hilarriak kanta abestu zion. Arratsaldez ere, zezen plazan peñen omenaldia jaso zuen German Rodriguezek. Minutu bateko isilunea egin zuten gero, Orreaga etorbidean, oroigarriaren aurrean.