Ondarearen berri izateko asteburua

BAIONA. Ondarearen egunak ospatzeko, hainbat ekitaldi prestatu dituzte astebururako Baionan. Bihar gauean, Sorrom Borron ikuskizuna izango da. Euskara eta okzitaniera nahasten dituzte ikuskizunean, eta kantua, poesia eta bideoa biltzen ditu emanaldiak. 21:00etan hasiko da, unibertsitateko campuseko anfiteatroan. Larunbatean, berriz, Iruñeko harresiei buruzko hitzaldi bat izango da 15:30ean, Euskal Museoan. Igandean, ziudadelan, kontzertua emango du Brass Band taldeak, 18:00etan.