Richard Oribek jasoko du Donostiako Urrezko Danborra datorren urtarrilaren 20an. Lehendabiziko aldiz, herritarrek hautatu dute sariduna. Oribek 6.135 boto jaso ditu; Maialen Chourraut piraguista, Esther Ferrer artista, Dolores Redondo idazlea eta Alicia Amatriain izan dira gainontzeko hautagaiak.
Donostian 1974an jaioa, gazterik hasi zen igerian, eta sei aldiz aritu da Paralinpiar Jokoetan. Guztira, hamasei domina eskuratu ditu; urrezkoak dira haietatik zortzi. Munduko txapelketan bost aldiz aritu da, eta 22 domina eskuratu ditu. Garun paralisia dutenen artean palmares onena duen igerilaria da.
