SAGARDO EGUNA, ARKUPEETAN

Euria egin zuen atzo Donostiako Sagardo Egunean. Bertaratutakoek aterkia irekitzea beste erremediorik ez zuten izan, eta, horrelakoetan ohi denez, Konstituzio plazako arkupeak izan ziren euritik babesteko aterpea. Gipuzkoako Sagardogile Elkartearen eskutik, 40 sagardo etxek jarri zuten postua.Hala ere, euriak ez zuen kikildu jendea, eta giro alaia nagusitu zen. Horretan lagungarri izan ziren, besteak beste, trontza txapelketa eta oholtzara igo ziren dantzari eta trikitilariak.