Jende asko biltzen da Getarian San Anton egunez, urteko txakolin berria probatzeko, eta aurten, igandea izanik are gehiagi dira Gipuzkoako kostako herrira gerturatu direnak. Uzta irekitzeko ekitaldi ofiziala egin dute aurrena, eta hainbat sagardo marka frogatzen ari dira orain herritarrak, Kupelaren musikaz alaituta.
Aurten ere oso txakolin ona egin dutela diote. Iaz baino mahats gehiago bildu da, eta "kalitate onarekin", irailean eta urrian eguraldi ona egin zuelako, Ruth Mozo Getariako Txakolina jatorri izenaren idazkariak azaldu duenez
