San Jose jaia antolatu dute larunbaterako

ATAUN. Garai batean ospatzen zituzten jaiak berriro egingo dituzte larunbatean Lizarrustin (Ataun, Gipuzkoa). Iaz izan zen parte hartze handiaren ondoren, aurten ere askotariko ekintzak prestatu dituzte: mendi ibilaldia, haurrentzako jolasak, toka txapelketa, kantaldia... Eguerdian txupinazoa botako dute, eta 14:00etan paella jana izango da. Egunarekin amaitzeko, afaria antolatu dute; 20:00etan izango da.