LIETO SU ETXEA
•Herrialdea. Italia.•Eguna. Igandea.
Ikuskizun dotorea eskaini zuen Lieto Fireworks Italiako su etxeak igandean. Bezperan baino denbora gehiago behar izan zuen suek sortutako keak barreiatzeko. Eskarmentu handikoak dira italiarrak, baina erritmo biziagoaren falta sumatu zen. Soinuaren aldetik, ordea, larunbateko galiziarren ikuskizunean baino eztanda handiagoak entzun ziren. Jendearen txalo goiztiarrek bide onetik zihoazela iragarri zien. Ikuskizunari behar zuen azken ukitua eman zion trakak.
GAUR ZEIN
•Izena. Intermede.•Herrialdea. Frantzia.
•Berezitasuna. Duela urte batzuk, gazte sortzaile batzuk elkartu, eta Intermede su etxea sortu zuten.Musikari, argazkilari eta eszenografoek osatzen dute taldea. Suaren artea beste esparru batzuetara eramateko xedea du taldeak. Horrela, mota askotako ikuskizun berritzaileak egiten dituzte. Talde gaztea bada ere, hainbat sari irabazi ditu jada. Adibidez, Knokke (Belgika) eta Grande Motte (Frantzia) su festen nazioarteko txapelketak irabazi zituen su etxeak 2010ean.
