Sukaldaritza lehiaketa, Etiopiarako dirua lortzeko

DONOSTIA. Sukaldaritza lehiaketa bat antolatu du Etiopia Utopia elkarteak larunbaterako. Bretxan izango da, 11:30ean, eta legatza donostiar erara prestatu beharko dute parte hartzaileek. Ateratako dirua Wukro hiriko (Etiopia) aho osasuna hobetzeko erabiliko du elkarteak. Goizean, edariak, pintxoak eta legatz errazioak salduko dituzte dirua ateratzeko. Lehiaketan izena emateko epea zabalik dago oraindik.