Tokikomen jardunaldia, ekainaren 15ean

Tokikomek eta Topagunea Euskara Elkarteen Federazioak jardunaldia antolatu dute Arrasaten ekainaren 15erako, euskal hiztun komunitatearen komunikazio beharrak aztertzeko. Euskarazko tokiko hedabideen etorkizuneko estrategiarako gakoak adosten saiatuko dira, eta gogoeta teoriko-praktikoa egingo dute. Jardunaldiko gonbidatuen artean Bart Bijnens belgikarra egongo da, Het Belang Van Limburg tokiko egunkari arrakastatsuko ordezkaria. Izena emateko eta topaketaren berri jakiteko, webgune bat jarri dute martxan: tokikom.jardunaldiak.org.