Duela urtebete kaleratu zuen TV3 Kataluniako telebista kateak iPhone telefonorako aplikazioa, eta dagoeneko 230.000 erabiltzaile ditu. TV3CAT eta 3/24 kateetako zuzeneko emisioak ikustea ahalbidetzen du programak; gainera, iPhone gailutik ez ezik, iPod Touchetik ere ikus daitezke zuzeneko saioak. Horrekin batera, TVC Kataluniako telebista publikoko hainbat katek sakelakoentzat prestatu dituzten atarietara sartzeko aukera ematen du, baita bideoak ikusteko eta programazioa kontsultatzeko ere.
Baita iPad gailurako ere
Bestelako aplikazioak ere kaleratu ditu telebista kateak, hala nola El gran dictat saioko jokorako aplikazioa eta La Marató saioan telefono bidez diru laguntzak emateko zerbitzua. Etorkizunari begira, eskaintza zabaltzen joango da TV3, ahalik eta erabiltzaile gehienera heltzeko asmoz.
Iphone telefonorako egokitutako eskaintza egitearekin batera, iPad gailurako aplikazioa ere badu Kataluniako telebistak. TV3CAT eta 3/24 kateetako zuzeneko emisioak ikus daitezke, eta 10.000 bideo jarri dituzte erabiltzaileen eskura.
Komunikazioa
TV3 katearen iPhonerako aplikazioa, gehien erabilitakoen artean
Kataluniako telebista publikoak iPhonerako egokitu duen aplikazioa 230.000 erabiltzailek dute sakelakoan, doan
Iruzkinak
Ez dago iruzkinik
Ordenatu
