Usaindu eta dastatu, ardo onenaren bila

Usaina eta zaporea uztartuz dastatzen da ardoa. Bilboko Areatzara jende ugari joan zen atzo, dastatzearen legeei jarraiki, ardo goxoena, onena bilatzeko asmoz. Errioxakoa edo nafarra, aukera zabala egon zen txosnetan. Dastatzea hurrupa txikietan egitea komeni izaten da, ardoaren esentzia hobeto hartzeko eta, bide batez, erronda mozkorturik ez amaitzeko.