Euskararen Eguna dezibel askorekin ospatzeko aukera egongo da gaur, Gasteizko Mendizorrotza kiroldegian. Talde zerrenda indartsua da: Gatibu, Hesian, EH Sukarra, Lain, Kerobia, Trumbo eta Txapelpunk.
Alex Sardui eta Haimar Arejitaren Gatibu laukoteak zuzenekoen apostua egin du azken boladan. Izan ere, azken diskoa —Zuzenean bizitzeko gogoak (2010)— jendaurrean grabatu zuten.
Hesian taldeak geldialdia egin zuen 2010. urtearen amaieran, baina aurten berriz itzuli daoholtzara, hainbat musikari aldatuta. Sakanako taldea Italianibili zen neguan, Borrokatu eta irabazi diskoa besapean zuela. Punk-rock eta hardcore melodikoa dira euren soinuaren oinarria, baita ska kutsu bat ere, emakume eta gizon ahotsen arteko jokoarekin.
EH Sukarra kasu berezi bat da. 1990eko hamarkadaren hasieran arrakasta izan zuen, baina apal samar aritu dira geroztik. Diskoak atera zituzten ia urtero 2002. urtera arte. Gero, sei urteko isilaldia. Zuzeneko diskoak hautsi zuen isiltasuna 2008an, eta berriz ere kontzertuak ematen hasi ziren.
Kontzertuetara joateko adinera heldu berriak direnak Lainizango dute erreferentzia. Eta gustura arituko dira Kerobiaren pop-rockarekin ere. Trumbok eta Txapelpunk-ek jaia girotuko dute.
KONTZERTUA
Noiz. Gaur, 17:00etan hasita.
Non. Mendizorrotza kiroldegian, Gasteizen.
Zazpi talde Gasteizko gauean
Gatibu, Hesian, EH Sukarra, Lain, Kerobia, Trumbo eta Txapelpunk ariko dira Euskararen Egunean
Iruzkinak
Ez dago iruzkinik
Ordenatu
