ZIBERGELA. Xmarks bertan behera geldituko da urtarrilean

Xmarks nabigatzaileetarako oso gehigarri ezaguna da. Gehigarri horrek edozein ordenagailutatik laster-markak eta gogokoaksinkronizatzea ahalbidetzendu. Web ingurunean ikusi eta kudeatu ahal dira estekak https://my.xmarks.com helbidean. Hasieran Firefox nabigatzailerako gehigarri gisa hasi zen, baina egun, Mozilla Firefox, MS Internet Explorer, Google Chrome eta Safari nabigatzaileetarako gehigarria zegoen. Oso gehigarri erabilgarria da ordenagailu edo gailu digital ezberdinetatik Internetera konektatzen diren erabiltzaileentzat.

Hala ere, 2011ko urtarrilaren 10ean bertan behera geldituko da zerbitzua, orrialde honetanadierazten duten moduan: http://www.xmarks.com/about/shutdown. Ez omen dute lortu negozio bideragarri bat aurrera eramatea. Antza, jartzen duten publizitatea dituzten gastuen zati txiki bat ordaintzeko baino ez da. Orain 5 milioi erabiltzaileren mila milioi laster-marka baino gehiago kudeatzen eta sinkronizatzen ditu. Hala ere, aipatutako webgune horretan beste aukera batzuk ematen dituzte: Firefox Sync (www.mozilla.com/firefox/ sync), Chrome Sync (www.google.com/support/chrome/bin/ answer.py?answer=165139) etaWindows Live Essentials (explore.live.com/windows-live-devices-and-sync-program-settings-ui), horiek guztiak doakoak dira, eta Mobileme (www.apple.com/mobileme), hori erabiltzeko urtean 99 AEBetako dolar ordaindu behar dira.