Ziberkazetaritzaz ariko dira gaurtik Bilbon

INTERNET. EHUko Gizarte eta Komunikazio Zientzien fakultateak antolatuta, III. Nazioarteko Ziberkazetaritza eta Web 2.0 kongresua egingo dute Bilbon gaurtik ostiralera bitartean. Espazio mediatikoaren eraldatzea izenburua jarri diote aurtengo kongresuari. Horretarako, Katalunia, Espainia, Portugal, Brasil eta Euskal Herriko adituak gonbidatu dituzte. Hitzaldi guztiak Bilboko Bizkaia Aretoan izango dira (Abandoibarran). Kongresua irakasle, profesional eta, batez ere, ikasleentzat izango da.