Zirku jaialdia Nafarroako bost herritan, gaur hasita

IRUÑEA. Nafarroako 11. zirku jaialdia egingo dute, gaur hasi eta igandera arte. Bost herritan izango dira: gaur, Tuteran; bihar, Uharten; ostiralean, Vianan; larunbatean, Altsasun; eta igandean, San Adrianen. Tailerrak emango dituzte 17:00etan, zirkuko hainbat teknika lantzeko. 18:30etik aurrera, berriz, zirkuko ikuskizunak eskainiko dituzte.