ZUBI GAINEAN DANTZAN, JAI GIROAN

Urteroko ohiturari jarraituz, Zubigaineko dantza egin zuten atzo goizean Lesakako dantzariek, Onin errekaren bi aldeetan. Tradizio luzea du Zubigainekoak; izan ere, XV. mendean Lesakako auzoek sinatutako bake itunaren oroigarria da. Dantza amaitutakoan, ikurrina airean ibiltzen dute, zubi gainean daudelarik, eta plazara joaten dira. Urteroko prozesioaren ondoren egiten dute Zubigaineko dantza, San Fermin egunean, eta udaleko kideak ere joaten dira ikustera.